Shop Owner Online Business Kaise Grow Kar Sakte Hai

Online business kafi achha grow kar raha hai aur jo log bhi internet aur technology ke bare me jante hai aur unke pass koi product hai to wo sell karke kafi achhi income kar rahe hai. Par aise kai log hai jo abhi bhi online business model ke bare me nahi jante, ya phir unko jyada confusion hai is business model ke bare me aur kai logo kuch idea hi nahi hai online business kaise hota hai. To agar aap is post ko padh rahe hai aur aap shop owner hai to aapko me aise idea batanewala hu ki jis se aap apne business ko online kar sakte hai is se aapka sell kafi badh jayega.

Shop Owner

Shop Owner Online Business Kaise Grow Kar Sakte Hai

Jo koi bhi shop owner hai unke pass kafi achhi opportunity hai aap offline jo business kar rahe hai wo chalu rakh sakte hai waha par aap retail price customer se le sakte hai aur online business me aap ko thoda competition ke hisab se chalna hoga aur aap ka volume karna padega to aapko achha return milega to is tarah aap online aur offline dono mode par business kar sakte ho.


Online business start karne ke liye kaun se document chahiye ? Ye jan na chahte hai to aap niche di gayi post padh sakte hai.

Online business me aap apni products ko lakho logo tak pahocha sakte hai aur aap ki product ki marketing kafi asani se ho jayegi. Ab soch rahe honge ki online business kaise shuru kare ? To me aapko batata hoo. Aap online business karne ke liye niche diye gaye option me se apne hisab se kaun sa option aap ke liye sahi hai soch kar business shuru kar sakte hai.

eCommerce Platform

Aap log jante hai ki online business India me kafi achhe se grow kar raha hai. Aise me aapka online platform par sahi direction me kam karna apke business ko nai uchai par le ja sakte hai. Aapko pata hi hoga Amazon, Flipkart, eBay aur Paytm ye sabhi website par aap sell kar sakte ho. Me aapko bata deta hoo eCommerce platform par sell kaise karte hai ?. eCommerce me aapko product list karna rehta hai jaise ki product ka photo, description, price aur shipping etc., Ab aapki product ko koi dekhta hai aur kharidta hai to aapko wo product ko khud se ship karna hai ya phir agar aap ne eCommerce Platfrom ka Shipping use kiya hai to product aapke pass akar shipping company wale lekar jayenge. Ab aapke product me agar koi claim nahi ata hai to aapke bank account me eCommerce companies ki cycle ke hisab se aapke account me paise jama hote rahenge. Aapko badle me eCommerce companies ko product list karne ki fees, sell hone par fees aur service tax pay karna rehta hai. Maine aapko short me bataya hai ye actually bahot bada topic hai aur in sabhi platform ke bare me hum dhire dhire discuss karenge.

Create Own Website

Jab aap eCommerce platform me kam kar rahe hai to aapko ye dhyan rakhna hai ki aapka pura business ab eCommerce ke haath me hai aur unke rule aur regulation aapko follow karne hai. Agar aap jyada galatiya karte hai to aapka store bandh bhi ho sakta hai. To agar aise me aapki khud ki website hai to aapko kafi benefit rahega kyonki jab aap eCommerce Platform par apna store create karenge tabhi se wo aapki brand ban jayegi aur eCommerce Platform ke bahar agar koi aapko koi contact karna chahe ya aapki products dekhna chahta hai to agar aapki khud ki website hai to aapko kafi benefit mil sakta hai. Aur agar aap SEO karvate hai to aapko Google search me se bhi customer mil sakte hai. Aur jab aap eCommerce Platform par sell karte ho tab aapko apni products ke saath brochure, leaflet ya letter bhi bhej sakte ho aur us me aap apni website ka link bhi mention kar dijiye to is se agar customer ko agar product pasand ati hai to wo aapka direct contact karke product purchase kar sakta hai.

Google Application

India me jyadatar Internet use karnewale mobile ka upyog karte hai. To agar aap shop Owner hai aur aapke pass products hai sell karne ke liye to aap khud ki ek Google Application banwa dijiye. Is se aapki koi bhi nai products upload karte hai to wo application user ke pass pahoch jayegi. Ab aapki shop par jo bhi aapke regular customer hai unko boliye ke wo aapki application ko whatsapp group me share karde aur is se aapke pass dhire dhire kafi inquiry aani shuru ho jayegi. Agar aap ko sirf apne state, city aur aas pass ke area me hi sell karna hai to is Application banake aap asani se kar sakte hai.

Agar aapko ye post useful lagi to sabhi shop owner, wholesaler aur dealer ke whatsapp group me ise share kijiye.

Agar aap ke koi question hai to niche comments me puchh sakte hai aur hum aapki sabhi query ko resolve karenge.

Aapko Article Pasand Aaya? Subscribe to Our Feed!

Bookmark the permalink.

Leave a Reply

Your email address will not be published. Required fields are marked *

CommentLuv badge