E commerce business Ke Nuksaan

Mobile aur Internet Jitni teji se badh rahe hai utni teji se e commerce market bhi grow kar raha hai. Internet ke is yug me loko ye bahot badi sahuliyat mil gayi ki aap koi bhi product apni ungliyo se order kar sakte hai aur e commerce me badhti competition ke wajah se aapko products do ya teen din me aapke ghar tak pahocha di jati hai. Logo ki busy life style, alsipan 🙂 aur digitalization ki wajah se online shopping karne walo ki sankhya kafi badh rahi hai. Par e commerce business me fayde to hai par uske saath nuksaan bhi hai. To aaj hum dekhenge e commerce business ke nuksaan.

Ecommerce business

E commerce business ke nuksaan

Aap koi bhi business bahar se dekho ge to wo aapko kafi asan hi lagega aur aapke man me turant ye lalsa hogi me bhi ye busines kar lu. Par koi bhi chiz asan nahi hoti aap jo bhi example dekh rahe ho jo sucessful hai koi bhi business me unhone kafi mehnat ki hai aur dedication and persistance se business grow hota hai. Koi bhi business lo usme fayde to hai par uske kya nuksaan hai woh aapko pehle jan lena chahiye warna agar aap bina soche samje business shuru kar doge to aap demotivate ho jaoge aur ho sakta hai aapka loss bhi ho jaye.


To aise hi kai log sochte hai ki e commerce business karna chahiye ye kafi asan hai aur isme jyada paise earn kar sakte hai. To ye galat soch hai. Is me aapko apne regular business ki tarah hi time dena hai aur kafi sari chize jaise ki dispatch, sales ke baad ki service, return management, inventory management, billing, customer satisfaction sab manage karni hoti hai. Aur sabse badi baat ki aapka pura business marketplace company (Amazon, eBay, Flipkart etc.,) ke rules and regulation ke upar tika hua hai to agar aap jyada galti karti ho jaise ke duplicate products sales karna, damage product sales karna, without bill product sell karna, time pe product dispatch nahi karna, ya shipping company ka jyada transit time lena to bhi aapka business down ya phir bandh ho sakta hai.

Ye jo sare e commerce company hai jaise ki Amazon, eBay, Flipkart, Snapdeal and Paytm ye sab buyers ko dhyan me rakh kar policy banate hai aur ye sochte hai ki seller ko agar business karna hai to wo waise hi hamare platform par ayenge. E commerce companies me main target hai buyer aur buyer kaise jyada hamari company se jude ye soch kar pura program design kiya jata hai aur agar jyada buyers hai to seller to waise hi aane wale hai product sell karne ke liye aur aap ko jo bhi e commerce company me aap sell karte hai unke rules and regulation follow karne padenge. Aur ye sab e commerce company me aap ne sab data diya hota hai to agar aapko ek baar business bandh kar diya to wo e commerce company phir aapko apni website me business nahi karne degi.

Sabse bada problem e commerce business me hai wo hai product return. E commerce companies product return ko kaise handle kare wo sari jimmedari aapke upar rakh deti hai aur product return ek aisi chiz hai jisko aap control nahi kar sakte ho. Jaise ke kai case me buyer product order karenge aur kisi wajah se phir product return karenge to aap ne bheja hai uski jagah pe koi aur product bhi bhej dete hai to ye seller ko nuksaan ho jayega.

Kai bar aapki courier companies agar item diye hue time me seller ko nahi pahochati to bhi buyer aapko negative feedback de deta hai aur aapki shop ko nuksaan hota hai.

Kai product categories me aapko pehle competition dekhna padega ki me jo product bech raha hu wo product kitne dam me log bech rahe hai aur me agar ye product sell karta hoon to mujhe usme se 30-40% margin management me chala jayega to isko nikalkar kitna profit bachta hai ? Ye sab information pehle check karna bahot jaruri hai kyonki competition abhi jyada hai aur aap ko achhe price me product source karna hai.

To agar aap ye sab manage kar sakte ho to aap ko e commerce business me sucessful hone se koi nahi rok sakta.

E commerce business ka fayde se pehle nuksaan discuss karna is liye jaruri hai ki agar aap kisi business me kya problem hai wo dekh lenge aur aap us problem ko manage achhi tarah se kar sakte hai to hi apna time, energy aur paisa us business me lagaiye aur kisi ko dekhkar ya phir kai se sunkar e commerce business karne me aap ko loss ho sakta hai.

Aapko ye post se kafi achhi information mili hogi aap is post ko social media par share jarur kare aap ko koi doubt hai to niche comment box me puchh sakte hai.

Aapko Article Pasand Aaya? Subscribe to Our Feed!

Bookmark the permalink.

One Comment

  1. sir hum khudka e commerce business karna chatehain to sir a mobaile phone vale e commerce selling kelie parmition nahi denge aisa kuch hai kya sir aur kisi b compny ka product sell karne kele un company valunse parmiton lena zarori haai kya sir ji ya sirf disributtr valunki bas  

Leave a Reply

Your email address will not be published. Required fields are marked *

CommentLuv badge